Kristín Björg Flygenring er sérfræðingur í barnahjúkrun og veitir foreldrum 0-17 ára barna einstaklingsmiðaða svefnráðgjöf. Svefnvandi er nokkuð algengur vandi meðal barna og lýsir sér ýmist sem erfiðleikum við það að sofna o/eða að haldast sofandi og vakna því mjög ört. Svo er stundum óregla í tímasetningum þ.e. börn vaka á nóttunni og sofa á daginn. Kristín leggur áherslu á að hlusta á þarfir hverrar fjölskyldu og aðstoðar foreldra við að finna hvaða svefntaktur hentar hverju barni með mildum leiðum.